Viewing 1 to 5 (5 Total)
Zuefäll git's...

andybrunner

andybrunner
Total Posts: 3
Joined: Mar 2010

Hallo Ihr zwei

Es isch ja scho huere (werded so Sache bi eu uf dä Homepage zensuriert) luschtig gsi. Wänn ich a dä Moment dänke won ich mich irgendwo z'mittst ide Wüesti, wo sich d'Echse und d'Schlange guet Nacht sägäd, nachem verschlinge vomene fette Burger unverhofft umdräie und di halb Schwizer Armee (oder so) mier im Rugge sitzt und mier naspioniert, dänn mueni eifach immer na fett grinse! Gits dänn so öppis?!?

Mier händs e cooli Zyt gfunde mit Eu, machets na guet uf euere witere Reis, entdecket na vill (wie sötteder au andersch) und mached d'Welt e chli unsicher!

Mä ghört sich (mues ja nid unbedingt grad ide Tagesschau si...)

Gruess us Rafz (ZH, CH) und Santa Barbara (CA, USA)
Andy & Madeleine

Posted on March 25, 2010 at 8:47 PM
Display Messages: Threaded     Flat
4 Replies

marius

marius
Total Posts: 8
Joined: Jul 2009

salüü

Esch wörkli super gsi met euch, heded no selle es Foti mache... voll vergagt. Theoretisch häded mer üs scho frühner chöne begägne so identischi sache hämer gmacht - absolute Zuefall gsi.

Gömer de mol i de Schwiz eis, zweu, drü go hebe zäme, de chömer üses Foti no mache grin

Send am 05 - 06 April en Los Angeles falls Madeleine au det wär wink

Grüsse aus Sedona

Posted on March 29, 2010 at 9:22 PM

andybrunner

andybrunner
Total Posts: 3
Joined: Mar 2010

Mammut on the rocks

So ihr zwei Vagabunde, wie ich gseene, isch immer na alles fit ide USA... smiling

Das mit em Föteli holemer na na, gueti Idee (resp. v.a. das mitem hebe). D'Madeleine isch z'Santa Barbara ide Schuel, aber wer weiss, überrasche wür mich nüt meh...

Wünsche Eu schöni Ferie vo de Ferie in Hawaii!
Machets guet

PS: Ha na chli eui Föteli aglueged: Cooli pix. Wobi, am coolschte isch definitiv s'Mammut. grin Keep on rockin' baby...!

Posted on April 04, 2010 at 2:19 PM

andybrunner

andybrunner
Total Posts: 3
Joined: Mar 2010

Wälkom bäck!

Hey ihr zwei!

Ihr händ min volle Respekt verdient! Ha immer wieder mal a Eu denkt, dass ihr immer na unterwegs sind. Und jez, jez sinder wieder dihei. Ich hoffe, ihr händ dä Kulturschock einigermasse wohlbehalten überlebt. Wird ja nid so eifach si, chani mier so vorstelle...

Hey und - falls ihr mal irgend es "public foto viewing" oder so öppis ähnlichs mached, melded Eu doch wink

Gruess,
Andy

Posted on February 12, 2011 at 5:40 PM

marius

marius
Total Posts: 8
Joined: Jul 2009

nice

Hey Andy

Jo mer fallts no bez schwär aber es chond langsam...

Es werd secher en Usstellig oder so gä, em Sommer oder so. Ehr send natürli als VIP Gäscht iglade ond erfahrets aus erschti ;)

Chönd sösch au mol es Bierli go nä en Lozärn oder Zöri : ) De Madeleine gods au guet?

Grüsse

marius

Posted on February 14, 2011 at 5:43 PM